Urdu-poetry-without-images-Mirza-ghalib-(2 lines)

Urdu-poetry-without-images-Mirza-ghalib-(2 lines)

‎ہوئے مر کے ہم جو رسوا ہوئے کیوں نہ غرق دریا 

‎نہ کبھی جنازہ اٹھتا نہ کہیں مزار ہوتا

‎رنج سے خوگر ہوا انساں تو مٹ جاتا ہے رنج 

‎مشکلیں مجھ پر پڑیں اتنی کہ آساں ہو گئیں 

‎نکلنا خلد سے آدم کا سنتے آئے ہیں لیکن 

‎بہت بے آبرو ہو کر ترے کوچے سے ہم نکل

‎قسم جنازے پہ آنے کی میرے کھاتے ہیں غالبؔ 

‎ہمیشہ کھاتے تھے جو میری جان کی قسم آگے 

‎تجھ سے قسمت میں مری صورت قفل ابجد 

‎تھا لکھا بات کے بنتے ہی جدا ہو جانا 

‎ہر قدم دورئ منزل ہے نمایاں مجھ سے 

‎میری رفتار سے بھاگے ہے بیاباں مجھ سے 

‎خوب تھا پہلے سے ہوتے جو ہم اپنے بد خواہ 

‎کہ بھلا چاہتے ہیں اور برا ہوتا ہے 

‎پلا دے اوک سے ساقی جو ہم سے نفرت ہے 

‎پیالہ گر نہیں دیتا نہ دے شراب تو دے 

‎وہ آئے گھر میں ہمارے خدا کی قدرت ہے 

‎کبھی ہم ان کو کبھی اپنے گھر کو دیکھتے ہیں 

‎دیکھیے لاتی ہے اس شوخ کی نخوت کیا رنگ 

‎اس کی ہر بات پہ ہم نام خدا کہتے ہیں  

‎عرض نیاز عشق کے قابل نہیں رہا 

‎جس دل پہ ناز تھا مجھے وہ دل نہیں رہا

‎عاشق ہوں پہ معشوق فریبی ہے مرا کام 

‎مجنوں کو برا کہتی ہے لیلیٰ مرے آگے 

‎مت پوچھ کہ کیا حال ہے میرا ترے پیچھے 

‎تو دیکھ کہ کیا رنگ ہے تیرا مرے آگے 

‎کیوں گردش مدام سے گھبرا نہ جاے دل 

‎انسان ہوں پیالہ و ساغر نہیں ہوں میں 

‎دائم پڑا ہوا ترے در پر نہیں ہوں میں 

‎خاک ایسی زندگی پہ کہ پتھر نہیں ہوں میں

‎بے نیازی حد سے گزری بندہ پرور کب تلک 

‎ہم کہیں گے حال دل اور آپ فرماویں گے کیا 

‎مجھ سے مت کہہ تو ہمیں کہتا تھا اپنی زندگی 

‎زندگی سے بھی مرا جی ان دنوں بے زار ہے

‎غم کھانے میں بودا دل ناکام بہت ہے 

‎یہ رنج کہ کم ہے مئے گلفام بہت ہے 

‎بہت سہی غم گیتی شراب کم کیا ہے 

‎غلام ساقی کوثر ہوں مجھ کو غم کیا ہے 

‎خیمۂ لیلےٰ سیاہ و خانۂ مجنوں خراب 

‎جوش ویرانی ہے عشق داغ بیروں دادہ سے  

‎دام گر سبزے میں پنہاں کیجیے طاؤس ہو 

‎جوش نیرنگ بہار عرض صحرا دادہ سے 

‎دیکھتا ہوں وحشت شوق خروش آمادہ سے 

‎فال رسوائی سرشک سر بہ صحرا دادہ سے 

‎بزم مے وحشت کدہ ہے کس کی چشم مست کا 

‎شیشے میں نبض پری پنہاں ہے موج بادہ سے

‎آمد سیلاب طوفان صداۓ آب ہے 

‎نقش پا جو کان میں رکھتا ہے انگلی جادہ سے

‎لغزشت مستانہ و جوش تماشا ہے اسدؔ 

‎آتش مے سے بہار گرمیٔ بازار دوست 

‎ہے سوا نیزے پہ اس کے قامت نوخیز سے 

‎آفتاب صبح محشر ہے گل دستار دوست 

‎برق خرمن زار گوہر ہے نگاہ تیز یاں 

‎اشک ہو جاتے ہیں خشک از گرمیٔ رفتار دوست 

‎چشم بند خلق جز تمثال خود بینی نہیں 

‎آئینہ ہے قالب خشت در و دیوار دوست

‎یہ غزل اپنی مجھے جی سے پسند آتی ہے آپ 

‎ہے ردیف شعر میں غالبؔ ز بس تکرار دوست 

‎چپکے چپکے مجھ کو روتے دیکھ پاتا ہے اگر 

‎ہنس کے کرتا ہے بیان شوخی گفتار دوست 

‎جب کہ میں کرتا ہوں اپنا شکوۂ ضعف دماغ 

‎سر کرے ہے وہ حدیث زلف عنبر بار دوست 

‎تاکہ میں جانوں کہ ہے اس کی رسائی واں تلک 

‎مجھ کو دیتا ہے پیام وعدۂ دیدار دوست 

‎تاکہ میں جانوں کہ ہے اس کی رسائی واں تلک 

‎مجھ کو دیتا ہے پیام وعدۂ دیدار دوست  

‎چشم ما روشن کہ اس بے درد کا دل شاد ہے 

‎دیدۂ پرخوں ہمارا ساغر سرشار دوست 

‎عشق میں بیداد رشک غیر نے مارا مجھے 

‎کشتۂ دشمن ہوں آخر گرچہ تھا بیمار دوست 

‎خانہ ویراں سازی حیرت تماشا کیجیے 

‎صورت نقش قدم ہوں رفتۂ رفتار دوست 

‎اے دل ناعاقبت اندیش ضبط شوق کر 

‎کون لا سکتا ہے تاب جلوۂ دیدار دوست

‎آمد خط سے ہوا ہے سرد جو بازار دوست 

‎دود شمع کشتہ تھا شاید خط رخسار دوست

‎یا رب ہمیں تو خواب میں بھی مت دکھائیو 

‎یہ محشر خیال کہ دنیا کہیں جسے

‎غالبؔ برا نہ مان جو واعظ برا کہے 

‎ایسا بھی کوئی ہے کہ سب اچھا کہیں جسے 

'

‎درکار ہے شگفتن گل ہائے عیش کو 

‎صبح بہار پنبۂ مینا کہیں جسے 

‎ہے چشم تر میں حسرت دیدار سے نہاں 

‎شوق عناں گسیختہ دریا کہیں جسے

‎سر پر ہجوم درد غریبی سے ڈالیے 

‎وہ ایک مشت خاک کہ صحرا کہیں جسے

‎پھونکا ہے کس نے گوش محبت میں اے خدا 

‎افسون انتظار تمنا کہیں جسے 

‎حسرت نے لا رکھا تری بزم خیال میں 

‎گلدستۂ نگاہ سویدا کہیں جسے

‎آئینہ کیوں نہ دوں کہ تماشا کہیں جسے 

‎ایسا کہاں سے لاؤں کہ تجھ سا کہیں جسے

‎جنت ہے تیری تیغ کے کشتوں کی منتظر 

‎جوہر سواد جلوۂ مژگان حور تھا 

‎شاید کہ مر گیا ترے رخسار دیکھ کر 

‎پیمانہ رات ماہ کا لبریز نور تھا 

‎ہر رنگ میں جلا اسدؔ فتنہ انتظار 

‎پروانۂ تجلی شمع ظہور تھا 

‎درس تپش ہے برق کو اب جس کے نام سے 

‎وہ دل ہے یہ کہ جس کا تخلص صبور تھا

‎اے وائے غفلت نگۂ شوق ورنہ یاں 

‎ہر پارہ سنگ لخت دل کوہ طور تھا 

‎ضعف جنوں کو وقت تپش در بھی دور تھا 

‎اک گھر میں مختصر بیاباں ضرور تھا

‎قاصد کو اپنے ہاتھ سے گردن نہ ماریے 

‎اس کی خطا نہیں ہے یہ میرا قصور تھا

‎آئینہ دیکھ اپنا سا منہ لے کے رہ گئے 

‎صاحب کو دل نہ دینے پہ کتنا غرور تھا

‎غم ہستی کا اسدؔ کس سے ہو جز مرگ علاج 

‎شمع ہر رنگ میں جلتی ہے سحر ہوتے تک

‎یک نظر بیش نہیں فرصت ہستی غافل 

‎گرمیٔ بزم ہے اک رقص شرر ہوتے تک

‎پرتو خور سے ہے شبنم کو فنا کی تعلیم 

‎میں بھی ہوں ایک عنایت کی نظر ہوتے تک

‎ہم نے مانا کہ تغافل نہ کرو گے لیکن 

‎خاک ہو جائیں گے ہم تم کو خبر ہوتے تک

‎عاشقی صبر طلب اور تمنا بیتاب 

‎دل کا کیا رنگ کروں خون جگر ہوتے تک

Urdu-poetry-without-images-Mirza-ghalib-ghazals

‎دام ہر موج میں ہے حلقۂ صد کام نہنگ 

‎دیکھیں کیا گزرے ہے قطرے پہ گہر ہوتے تک

‎ہو فشار ضعف میں کیا ناتوانی کی نمود 

‎قد کے جھکنے کی بھی گنجائش مرے تن میں نہیں

‎لے گئی ساقی کی نخوت قلزم آشامی مری 

‎موج مے کی آج رگ مینا کی گردن میں نہیں

‎قطرہ قطرہ اک ہیولیٰ ہے نئے ناسور کا 

‎خوں بھی ذوق درد سے فارغ مرے تن میں نہیں

‎بسکہ ہیں ہم اک بہار ناز کے مارے ہوئے 

‎جلوۂ گل کے سوا گرد اپنے مدفن میں نہیں 

‎زخم سلوانے سے مجھ پر چارہ جوئی کا ہے طعن 

‎غیر سمجھا ہے کہ لذت زخم سوزن میں نہیں